විශේෂි වනාන්තර පද්ධතියක් වන සිංහරාජය තුල විවිධ සත්ත්ව සංතති රාශියක් දැකිය හැකිය- මෙම පරිසර පද්ධතිය තුල ලංකාවට ආවේණික විශේෂ හා සිංහරාජයට ආවේණික විශේෂ බහුලව දැකිය හැකිය-
සමනල විශේෂ
උභය ජීවි විශේෂ
මත්ස්‍ය විශේෂ
උරඟ විශේෂ
පක්ෂි විශේෂ
ක්ෂීරපායි විශේෂ
දිලීර හා බැක්ටීරියා විශේෂ


සමනල විශේෂ: ශ්‍රී ලංකාවේ දැකිය හැකි සමනල විශේෂ 65 ක් සිංහරාජ වනාන්තරයේ දැකිය හැකිය- මෙයින් විශේෂ ගණනාවක් ශ්‍රී ලංකාවට ආවේණිකය- මේ අතරින් ලංකාවේ ලොකුම සමනල විශේෂය වන ක්‍දපපදබ ඉසරාඅසබට සිංහරාජයේ දක්නට ලැබීම වනාන්තරයේ සුන්දරත්වය වැඩි කරයි-

උභය ජීවි විශේෂ: ලංකාවට ආවේණික උභය ජීවි විශේෂ 28 ක් සිංහරාජ වනාන්තරය තුලින් වාර්ථා වී ඇත- මෙම උභය ජීවීන් මගින් සිංහරාජ වැසි වනාන්තරයේ උසස් පරිසර පද්ධතියක් නිර්මාණය කරයි- මෙම උභය ජීවී විශේෂ අතර මැඩි විශේෂ හා ගෙම්බන් බහුලව දැකිය හැකිය- මේ අතර ගස් ගෙම්බන්ගේ විවිධත්වය ඉතා උසස්ය-
 මත්ස්‍ය විශේෂ: ශ්‍රී ලංකාවට ආවේණික මත්ස්‍ය විශේෂ 16 අතරින් විශේෂ 03 ක් සිංහරාජයේ ඇල දොල ආශ්‍රීතව දැකිය හැකිය- පොදුවේ ගත් කල මත්ස්‍ය විශේෂ 11 සිංහරාජයේ වාසස්ථාන කරගෙන ඇත-  ආවේණික මත්ස්‍ය විශේෂ අතරින් පුලුට්ටා, මගුරා, ගල්පාඬියා, කදුකර අභිරාවා, බහුලව දැකිය හැකිය-
 උරඟ විශේෂ: ශ්‍රී ලංකාවට ආවේණික උරඟ විශේෂ 45 න් විශේෂ 21 සිංහරාජයේ  දැකිය හැකිය- මෙම ගණයට සර්පයන්, කටුස්සන්, ඉදිබුවන් හා හිකනලුන් විශේෂ ගණනාවන් අයත් වේ- මෙයින් සර්ප විශේෂ අතරින් විෂ අධික දැනට ලංකාවෙන් වඳවීයාමේ තර්ජනයට ලක් වී ඇති කුරුන් කරවලා සිංහරාජ පරිසර පද්ධතිය තුල දැකිය හැකිය-

පලාපොළගා



පක්ෂි විශේෂ: සිංහරාජ වනාන්තරය තුල පක්ෂි විශේෂ 147 ක් පමණ දක්නට ලැබේ- මෙයින් ලංකාවට ආවේණික පක්ෂි විශේෂ 33 න් 32 සිංහරාජයෙන් වාර්ථා වී ඇත- මෙම පක්ෂි විශේෂ වනාන්තරය තුල ජීවත් වීම මගින් වැසි වනාන්තර පද්ධතිය, ආකර්ශනීය සංචාරක පරිසර කලාපයක් ලෙසට පත්ව ඇත- මෙම පක්ෂි විශේෂ අතර 13%ක් පර්යටනද 18% ක් ඝණ වනාන්තරයේ (සංචාරක නොවන පක්ෂීන්)ද 36% වනාන්තරය තුල හා පිටස්තර වාසස්ථාන වලද 10% වනාන්තර සීමාවේ ගම්බද ගෙවතු ආශ්‍රිතව ද දැකිය හැකිය- මෙම පක්ෂීන්ගෙන් 57% අඩු දුර්ලබ ගහන ඝනත්වයක් පෙන්වයි- ඔවුන් අතර වතරතු මල් කොහා, අළු දෙමලිච්චා, හිස සුදු මයිනා, බට ඇටි කුකුළා, කැහිබෙල්ලා, ගෙඹිකට බස්සා හා පඩුවන් බස්සා දැක්විය හැකිය-







ක්ෂීරපායි විශේෂ: බොහෝ වනාන්තරවල මෙන් සිංහරාජ වැසි වනාන්තරයේ විශාල ක්ෂීරපායි සතුන් දැකිය හැකිය- ශ්‍රී ලංකාවේ ක්ෂීරපායින් අතරින් විශේෂ 40 ක් පමණ සිංහරාජයෙන් වාර්ථා වී ඇත- මේ අතරින්  ශ්‍රී ලංකාවට ආවේණික ක්ෂීරපායින් විශේෂ 12 න් 08 ක් සිංහරාජයෙන් වාර්ථා වී ඇත- ඒ අතර අලියා, ගෝනා, ඕලු මුවා, මී මින්නා, වල් ඌරා, හදුන් දිවියා, වල් බළලා, රිලවා  විශේෂ වේ-
 දිලීර හා බැක්ටීරියා විශේෂ: විශාල ශාක ඝණත්වයකින් යුතු සිංහරාජ වනාන්තරයේ පෝෂක ගබඩාව ලෙස සමශීතෝෂ්ණ වනාන්තරයෙහි දිරාපත්වන ශාක හා සත්ව කොටස් මගින් නිකුත් කරනු ලබන පෝෂක පසෙහි රැස්කර තබා ගැනීම සදහා විශාල කාර්යයක් සිදු කරයි- මොවුන් අතර දිලීර හා බැක්ටීරියා ප්‍රමුඛත්වයක් ගනී- පෝෂක චක්‍රීකරණය හා කාබනික ද්‍රව්‍ය ජීර්ණයට ප්‍රධාන වශයෙන් දායක වේ- සිංහරාජය තුල ක්ෂුද්‍ර දිලීර 35 ක් ඇති බවට අනාවරණය වී ඇත- මෙයින් ප්‍රධාන වශයෙන්  ඔරසජයදාරප් ය්ර‘සබමප හා ඡැබසජසකකසමප ිසපචකසජසිසපමප වේ- සිංහරාජයේ වාර්ථා වී ඇති දිලීර විශේෂ කිහිපයක් ලෙස ක්‍සජජසබැකක් ිසපචකැංල ඵමජදර යසැප්කසිල ඵදරඑසැරුකක් ර්පප්බස්බ්ග

ගෝනා

ජාත්‍යන්තරයට ගිය සිංහල වචන

අපේ මව් භාෂාව සිංහල භෂාවයි. සිංහල භාෂාව ඉගෙන ගැනීම අනෙක් භාෂාවන් ඉගෙනුමටත් වඩා අපහසුයි.කොහොම වුණත් අපේ මව් භාෂාව ජාත්‍යන්තරයේ ද භාවිතා වන අවස්ථා නැතුවාම  නොවේ. ඔක්ස්ෆර්ඩ් ශබ්දකෝෂය කියන්නේ ජාත්‍යන්තරයම පිළිගත් ශබ්ද කෝෂයක්. මේ ශබ්දකෝෂයේ ඉංග්‍රීසි භාෂාවට ඇතුළත්ව තිබෙන සිංහල වචන කිහිපයක්ම හඳුනගන්න පුළුවන්.

1.Aiyo

සිංහල භාෂාවේ දී වගේම ඉංග්‍රීසී භාෂාවේ දී කරදරයක් ඇති වීම, කණගාටුවක් ඇතිවීම යන අරුතින් මෙය භාවිතා වෙනවා. මේ වචනය මුලින්ම සඳහන් වෙනනේ 19 වන සියවසේ අග  භාගයේ ලියැ වී ඇති  chambers's journal of popular literature යන කෘතියේ බව ඔක්ස්ෆර්ඩ් ශබ්ද කෝෂයේ සඳහන් වෙනවා.

2. Aiya

වැඩිහිටි සහෝදරයින් ඇමතීමට මෙම වචනය භාෂා දෙකේදීම භාවිතා කරයි.

3.Bo tree/ Bodhi tree

බෝ ගස, බෝධි වෘක්ෂය යන සිංහල වචන අනුසාරයෙන් Bo tree/ Bodhi tree යන වචන ඉංග්‍රීසී භාෂාවට එක්  වීඇත.

4. Anaconda

සිංහල භාෂාවේ සිටින "හෙනකඳයා"  නම් සත්වයා නිසාවෙන් මෙය ඉංග්‍රීසී භාෂාවට එක් වී ඇති බව ඔක්ස්ෆර්ඩ් ශබ්ද කෝෂයේ සඳහන් වෙනවා.

5.Pothos

මේ වචනයට මූලාශ්‍ර වී ඇත්තේ ශ්‍රී ලංකාවට ආවේණික පෝටා වැලයි. ලංකාවේ  බෙහෙත් ශාකයක් ලෙස මෙය භාවිතා කරයි.

6.Asweddumaization

අස්වැද්දීම නම් සිංහල වචනය මෙයට පාදක වී ඇත.

මෙම වචනවලට අමතරව,

   

       7.Nelumbo

       8.Tourmaline

       9.Wanderoo 

      10.Pansala

යන වචනද ඔක්ස්ෆර්ඩ් ශබ්ද කෝෂයේ සඳහන් වෙනවා. 

දේශීය නිෂ්පාදනයට දායකවන බිම්මල් වගාව

ශ්‍රී ලංකාවේ වගාකරුවන් යොමු වී ඇති තවත් පැතිකඩක් ලෙස බිම්මල් වගාව දැක්විය හැකිය. ස්වයං ව්‍යාපාරයක් ලෙස දේශීය නිෂ්පාදනයට දායකවන මෙම බිම්මල් වගාව 1980 දී පමණ කර්මාන්තයක් ලෙස ආරම්භ වී ඇත. එළවළු, පලතුරු, ධාන්‍ය වර්ග වැනි ආහාර වර්ගවලට හාත්පසින් වෙනස් වූ  ආහාරයක් ලෙස බිම්මල් දැක්විය හැකිය.
බිම්මල් යනු දිලීර වර්ගයකි. දිලීර අයත්වන්නේ ක්ෂුද්‍ර ජීවි කාණ්ඩයටය. ශාක වර්ගීකරණයේ දී බිම්මල් මෙම ක්ෂුද්‍ර ජීවි කාණ්ඩයට ඇතුළත් කර ඇත. දිලීරවල ශාක දේහය මුල්, කඳ, පත්‍ර ආදි ලෙස වෙන් කළ නොහැකිය. දිරායන ගස් කදන්වල ජීවත්වන මෙම දිලීරය මෘතෝපජීවි වේ. එනම් හරිතප්‍රද අඩංගු  නොවන නිසා ප්‍රභාසංස්ලේෂණයෙන්  හරිත ශාකවලට මෙන් ආහාර පිළියෙල කළ නොහැකි වීමයි.  විශාල සංඛ්‍යාවක් පවතින  දිලීර අතරින් බැසිඩියෝමයිසිටිස් නැමති දිලීර වර්ගයට අයත් වේ.
දේශීය වශයෙන් ආහාරයට ගනු ලබන බිම්මල් වර්ග ගණනාවක් පවති. මාවැලි හතු, හීන්වැලි හතු, ඉදලෝළු, කොටන් බිම්මල්, හුඩස් බිම්මල්, කුට්ටන් බිම්මල්, ලේන්පහුරු, මොණර බිම්මල් ආදි ලෙස දැක්විය හැකිය.
බිම්මල් හෙවත් හතුවල පෝෂණීය ගුණය ඉහළ අගයක් ගනී. බිම්මල් ප්‍රෝටීන් බහුල ආහාරයකි. සාමාන්‍ය මස් මාංශවලින් තරම්ම ප්‍රෝටීන් ප්‍රමාණයක් නොලැබුනද මෙහි එක් විශේෂත්වයක් ඇත. එනම් මස් මාංශ හේතුවෙන් සිරුරේ කොලොස්ටරෝල් නාශකයක් අඩංගුව ඇත. අමු බිම්මල් ග්‍රෑම් 100ක අඩංගු පෝෂ්‍ය කොටස් ප්‍රමාණය පහත පරිදිය.
ජලය    ග්‍රෑම් 91-0
ප්‍රෝටීන්  ග්‍රෑම් 2.5
මේදය    මිලිග්‍රෑම් 0.3
කැල්සියම් 20
යකඩ     මිලිග්‍රෑම් 1-0
තයමින්    මයික්‍රෝග්‍රෑම් 120
විටමින් සී මිලිග්‍රෑම් 3.0
මෙයට අමතරව බිම්මල් ආහාරයට ගැනීම නිසා,
ප්‍රතිදේහ නිපදවීම
ආසාත්මිකතාව වැළැක්වීම
සම නිරෝගි කිරීම
තුවාල ඉක්මනින් සුවකිරීම
ආදී යහපත් සෞඛ්‍ය තත්වයන් ළගාකර ගතහැකිය. මේ නිසාවෙන් ඉන්දියානුවන්  බිම්මල් යනු දිව්‍යමය ආහාරයක් ලෙස දක්වයි.
බිම්මල් වගා කිරීමේ ප්‍රධාන ක්‍රම දෙකක් ලෙස ලී කුඩු මාධ්‍යයේ වගා කිරීම සහ පිදූරු මාධ්‍යයේ වගා කිරීම දැක්විය හැකිය. බිම්මල් වගාව ආශ්‍රිත වගාකරුවන්ට පවතින ප්‍රධාන ගැටලු වනුයේ බිම්මල් බීජ ලබා ගැනීමට නිසි ස්ථාන නොවීමත් කෘමි උවදූරින් තම වගාව බේරා ගැනීමත්ය. කෝදුරු පවුලට අයත් මැස්සන් හා මයිටාවන් ද බිම්මල් වගාවට හානි කරයි.
ලාංකීය සමාජයේ බොහෝ දෙනා ස්ත්‍රී පුරුෂ භේදයකින් තොරව මෙම වගා ක්‍රමය යටතේ සිය ජීවිතය සරුකර ගැනීමට උත්සහ ගනිති. දැනට බිම්මල් කිලෝග්‍රෑම් 1ක මිල රු.120ක් පමණ වේ. සතියට බිම්මල් කිලෝග්‍රෑම් 50ක් පමණ නෙලාගත හැකිනම් සතියක ආදායම රු.6000ක් පමණ වේ. මේ අනුව මාසික ආදායම රු.24,000ක් පමණ වේ.එබැවින් අඩු ප්‍රාග්ධනයක් යොදා වැඩිලාභයක් ලබාගත හැකි ස්වයං රැකියා ව්‍යාපෘතියක් ලෙස බිම්මල් වගාව හදුන්වා දිය හැකිය.
බිම්මල් වගා කිරීම පමණක් නොව ඒ ආශ්‍රිත නව කෑම පිළියෙල කොට දේශීය විදේශිය වෙළදපලට බෙදාහැරීමට වර්තමානයේ බොහෝදෙනා යොමු වී ඇත.
බිම්මල් පාන්
බිම්මල් සුප්
        බිම්මල් බුරියානි
බිම්මල් ඔම්ලට් ආදි ආහාර සදහා අද වෙළදපලේ වැඩි ඉල්ලුමක් පවති.
නවීන තාක්ෂණයේ දියුණුවත් සමග දේශීය ආහාර රටාව ද වෙනස් කරගැනීමට ලක්වැසියන්  හුරු වී ඇත. අතීතයේ ගෙවත්තේ සිය ගෙවත්තෙන් නෙලාගත්  පිරිසිදු එළවළු පලතුරු පරිභෝජනය කරන්නට විය. දේශීය බිම්මල් වගාවද ඒ ආකාරයෙන්ම ගෙවතු වගාවක් ලෙසින් සිදුකිරීමට හැකියාවක් පවති. ස්වයං ව්‍යාපාරයක් ලෙස දේශීය නිෂ්පාදනයට දායක වන මෙම බිම්මල් වගාව දේශීය ආර්ථිකය ශක්තිමත් කිරීමටද දායක් කරගත හැකිය.

ජීවිතය

ජීවිතය කියන්නේ පුදුම දෙයක්.තමන්ට තමන්ගේ ජීවිතේ අන් සැමට වඩා වටිනවා. අද බොහෝ දෙනා තමන්ගේ ජීවිතේ ගැන පමණක් හිතලා වැඩ කරන්නේ. සමාජේ ජීවත්වෙද්දි තමන්ගේ ජීවිතේ වගේම අනෙකාගේ ජීවිතය ගැනත් අපි සිතිය යුතුයි. ස්ත්‍රී දුෂණ, ළමා අතවර අද සමාජේ වැඩිවශයෙන් අහන්න දකින්න ලැබෙන්නේ අනෙකාගේ ජීවිතය ගැන නොසිතා තම තෘප්තිය ගැන පමණක් සිතා කටයුතු කරන නිසයි. ලොව පවතින සියලු ආගම් තුළ ජිවිතය අර්ථවත් කර ගැනුමට විවිධ කරුණු ගෙනහැර දක්වා තිබුණ ද වර්තමානයේ එකි කරුණු පිළිබඳ කිසිවෙකුත් අවධානයක් යොමු කරන්නේ නැත. බුදු දහමේ මානව ජීවිතය අර්ථවත් කිරීමට  ඉදිරිපත් කළ වැදගත් ප්‍රතිපදාවක් ලෙසින් පංචශීලය දැක්විය හැක. සමාජේ ජීවත්වන සියලු මානවයින් මෙම ප්‍රත්පදාවට අනුව ජීවත්වන්නේ නම් අද පවතින සමාජයද පාරිශුද්ධ වනු නියතය. අතීතයේ පුරුෂයින් කාන්තාවගේ සුන්දරත්වය වර්ණනා කළේ කිසිදු ලිංගික තෘප්තියක් ලැබීමට නොවේ. එදවස පැවති වර්ණනය අද ද සාහිත්‍ය තුළ භාවිත වනුයේ කාන්තාවගේ සුන්දරත්වය ලෙසින්මය. නමුත් මෙරට බටහිරකරණය වීමත් සමග මානවයා සිතනපතන ආකාරයද වෙනස් වන්නට විය. මේ නිසාවෙන් මෙතෙක් කාන්තාව දෙස සුන්දරත්වයෙන් බැලූ යුගය අවසන් කරමින් තම කාමුක හැඟීම් මුදුන් පමුණුවා ගන්නා එක්තරා භාණ්ඩයක් බවට පත් කරගෙන ඇත..තම තෘප්තිය වෙනුවෙන් තවත් ජීවිතයක් විනාශ කිරීමට මිනිසා පුරුදුව ඇත.
අප අලුතින් සිතිය යුතු යුගය පැමිණ ඇත. ජීවිතයට අරුතක් දීමට නම් අනෙකාට ගරු කිරීමට, අනෙකා ගැන සිතීමට තමන් උපමාකොට සැම පිළිබඳ අවබෝධයෙන් කටයුතු කිරීම යන පුරුදු අප පුහුණු කළ යුතුය. එවිට ව්‍යාකූල වූ සමාජ පරිසරයෙන් මිදී ජීවිතයට අරුතක් සෙවීමට අපට හැකිය.

අඟුටුමිටි පුද්ගලයින් බිහිවන්නේ ඇයි?

ඔබ දැක ඇති සමාජයේ යම් පුද්ගලයන් අසාමාන්‍ය මිටිභාවයකින් යුක්ත බව. මිනිස් සිරුරේ වර්ධනය පාලනය වන්නේ පිටියුටරි ග්‍රන්ථියෙන් ස්‍රාවය වන වර්ධක හෝමෝන මඟිනි. ළමා කාලයේ දී මෙම හෝමෝන අඩුවෙන් ස්‍රවය වීම නිසා එම පුද්ගලයා සාමාන්‍ය ප්‍රමාණයට වර්ධනය නොවේ.

• නිසිලෙස අස්ථි වර්ධනය නොවීම
• දේහ ප්‍රෝටීන් නිසි පරිදි නොසෑදීම
• නිසි ලෙස පටක වර්ධනය නොවීම

යන කරුණු නිසා අඟුටු බව ඇති වේ. මෙම පුද්ගලයින් පෝෂ්‍යදායී ආහාර වේලක් ලබා ගත්තද අඟුටුමිටි ස්වභාවය වෙනසක් නොවේ. මෙවැනි පුද්ගලයින්ට සමාජය තුළදී වෙනස්කමක් නොදැක්විය යුතුය.

පරිසර දූෂණයෙන් මිදෙමු...

ඓතිහාසික උරුමකමින් යුත් ගංගා,දිය ඇලි,සුන්දර වනපෙත්වලින් සමන්විත වු කුඩා රටක් ලෙස එදා සිට අද දක්වා ලංකාව නම් දරා ඇත. මෙරට පවතින සුන්දරත්වය පිළිබද සැලකීමේ දී රට අභ්‍යන්තරය තුළ විවිධ දේශගුණික පරිසර තත්වයන්ගෙන් යුක්ත වීම, විවිධ ශාක ප්‍රජාවන්ගෙන් සමන්විත වීම, අපා දෙපා සිව්පා යනාදී විවිධ වර්ගයේ දුර්ලභ සත්වයින් දැකගත හැකි වීම,මහා සමුදුර  සේ දිස්වන වැව් පිහිටා තීබීම ආදී සුන්දරත්වයන් ඉදිරිපත් කළ හැකිය. බොහෝ සංචාරකයින් ප්‍රමාණයක් මෙරටට ඇදී එන්නේ මෙම සුන්දරත්වය නිසාවෙන්මය.

අප රටේ මෙතරම් ස්වභාව සෞන්දර්යය අතින් අනූන වූවත් ශ්‍රී ලාංකිකයින්ට එය අගේ නොවන්නේ මන්ද යන පැනය මතුවන්නේ ඔවුන් පරිසරයට 
සිදු කරන හානිය නිසාවෙනි.ප්‍රධාන වශයෙන්ම
ජල දූෂණය
වායු දූෂණය
ගොඩබිම දූෂණය
වනාන්තර හා සතුන්ට සිදුකරන හානිය
යනාදි ලෙසින් මෙම පරිසර දුෂණය වර්ග කොට දැක්විය හැකිය.

මානවයාට සිය ජීවිකාව ගෙන යාම සඳහා අත්‍යවශ්‍ය සාධකයක් ලෙස ජලය දැක්වීමට පුළුවන.නමුත් මින්සා විසින්ම පිරිසිදු ජලය දූෂණය කරගනී. ඊට හේතු ලෙස

1. කර්මාන්තශාලා වලින් පිටකරන අපද්‍රව්‍ය ජල මාර්ග වලට යොමු කිරීම.
2. කාබනික අපද්‍රව්‍ය ජලයට එකතුවීම.
3. සුපෝෂණය ඇති වීම නිසා ජලාශ දූෂණය වීම.
4. කෘෂි රසායනික ද්‍රව්‍ය වගාබිම් හරහා ජලයට එකතුවීම.
5. තෙත්බිම් වල කුණු කසල පිරවීම නිසා වන ජල දූෂණය.
6. පොලිතින් ආදී දිරා නොයන අපද්‍රව්‍ය ජලයට එකතු වීම නිසා වන දූෂණය.
7. හදිසි අනතුරු නිසා වන ජල දූෂණය
8. රෝග කාරක විෂ බීජ එකතු වීම වන ජල දූෂණය.
9. කඳු හා උස් බිම් සෝදා පාලුව නිසා ජලයේ බොරතාවය ඉහළයාම. 

දැක්විය හැකිය.මේ නිසා ලංකාව තුළ බොහෝ වකුගඩු රෝගීන් ප්‍රමාණයක් සිටින අතර සෞඛ්‍ය ගැටළු රැසක් මත්‍ර වී ඇත.

එමෙන්ම ගොඩබිම දූෂණයද වර්තමානයේ ප්‍රබල ගැටළුවක් වී ඇත. විශේෂ උත්සව අවස්ථාවලදී ගොඩබිම දූෂණය වැඩි වශයෙන් සිදු වේ.පස දූෂණය වීම සඳහා බලපාන  හේතු ලෙසින්,

1. පසේ ලවණතාවය වෙනස් වීම
2. දිරා නොවන කොටස් පසට එකතු වීම

උදා-පොලිතීන්,ප්ලාස්ටික්

1. විෂ රසායන පසේ එක්රැස් වීම
2. පසේ ජල පරිමාව වෙනස් වීම
3. පාංශු ඛාදනය
4. අපද්‍රව්‍ය එකතු වීම
5. කැටායන හුවමාරුව බිඳ වැටීම දැක්විය හැකිය.

මේ ලෙසින් මිනිසා විසින් ගොඩබිමත් ජලයත් දූෂණය කිරීමෙන් නිරායාසයෙන්ම වායුවත්, වනාන්තරත්.වන සතුන්ද විනාශයට පත් වේ.

බොහෝ මිනිසුන් තම නිවසේ අපද්‍රව්‍යන් ද මහ හග දමා යාමට පුරුදු වී සිටී. තම නිවසේ දීම නිසි ලෙස කසළ බැහැර කරන්නේ නම් පරිසර දූෂණය අවම කර ගැනීමේ හැකියාව් පවතී. මෙකී පරිසර දූෂණය නිසාවෙන් මිනිසාගේ සෞඛ්‍ය තත්වයේ බිඳවැටීමක්ද සිදුවන අතර රෝගී වූ සමාජයක් නිරායාසයෙන් නිර්මාණය වේ. මේ නිසා අප කළ යුත්තේ බුදු දහමේ දක්වන පරිදි පරිසරය කෙරෙහි සහසික නොවි ප්‍රයෝජන ගැනීමයි. එමෙන්ම බුදු දහමේ  ජෛව විවිධත්වය ඇති කරලීම සඳහා පංචශිල ප්‍රතිපත්තිවල පළමු සික්‍ෂා පදයෙන් අවධාරණය කරනු ලබන්නේ ප්‍රාණඝාතයෙන් වැලකිම වැදගත් බව දක්වයි. මෙහි කරුණු කිපයක් අන්තර්ගතය.

• සියලුම ජිවින් විනාශ කිරීමෙන් වැලකීම
• ජිවින් විනාශ කිරීමට හේතුවන අවි අයුධ බැහැර කිරීම
• සියලු සත්වයන් කෙරෙහි හිතානු කමිපිත වීම
• සියලුම සත්වයන් කෙරෙහි දයාවෙන් යුක්ත වීම

සමිබේ සත්තා භවන්තු සුඛි සත්තා යන විශ්ව මෛත්‍රී සංකල්පය යටතේ සියලුම ජිවින්ගේ පැවැත්ම අවධාරණය කෙරේ.මෙ ආකාරයට සියළු ජීවීන්ගේ පැවැත්ම උදෙසා පරිසරය දූෂණය කිරීමෙන් වැළකී සිටිය යුතුය.

මහින්දාගමනය

ලක්වාසි බෞද්ධ ජනයා හට කිසිලෙසකවත් කළගුණ සලකා නිමකළ නොහැකි සුවහසක් සැදැහැවතුන් භක්ත්‍යාදරයෙන් සිහිපත් කරන්නා වූ උතුම්කාල වකවානුවක් ලෙස පින්බර ‍ පොසොන් පොහොය දැක්විය හැකිය. වෙසක් පොහොය දිනයේදි ගෞතම බුදුරජාණන් වහන්සේ තුන්ලොවටම අසීමිත සුවයක්, සැනසුමක් ගෙන ඒමට මග පෙන්වු අතර පොසොන් පොහෝ දිනය ශ්‍රී ලාංකිකයන් වෙත නිමල බුදු දහමේ ආලෝකය ලැබුණු දිනය ලෙස හැදින්විය හැක. එනම් පොසොන් දිනය ශ්‍රී ලාංකීකයන්ට ම ආවේණික වූ වැදගත් දිනයක් ලෙස දැක්විය හැකිය. න

බුද්ධ වර්ෂ 236 වැන්නේ නිමල බුදු දහම රැගෙන මිහිදු මහරහතන් වහන්සේ, ඉත්ථිය,උත්තිය,සම්බල,භද්දසාල, යන උපසපන් රහත් පස්නමත් ,සුමන සාමණේරයන් වහන්සේත් අනාගාමි,භණ්ඩුක උපාසකතුමාත් යන දූත පිරිස අනුරාධපුරට වැඩම කරනු ලැබීය. එකල ලක්දිව රාජ්‍ය පාලනය කළේ දෙවන පෑතිස් රජුය.

එ් වන විට ලංකාවේ පැවතියේ මිත්‍යා දෘෂ්ටික ඇදහීම් රටාවකි. හිරු  සදු වන්දනාව, ගස් ගල් වන්දනාව ආදි මිත්‍යදෘෂ්ටික ආගමික විශ්වාස මත පදනම්ව ජීවිකාව ගෙන ගියහ. මිහිදු හිමි ලංකාවට වැඩමකිරීමෙන් පසු පංචශීල ප්‍රතිපදාවෙහි රජු ඇතුළු පිරිස පිහිටු වීමේන් අර්ථාන්විත ජිවින ප්‍රතිපදාවක් ඇති  කරනු ලැබීය.
පරපණ නැසීම
අන්සතු දේ ගැනීම
අනාචාරයේ හැසීරීම
බොරු කීම
මත් පැන් පානය
යනාදී අකුසල ධර්මයන්ගෙන් වෙන්ව ජීවත් වීමට උන්වහන්සේ අපිට හුරු කරවන ලදී. මෙතෙක් පැවති අනාචාරී ජිවිතය සාරවත් කරලීමට මිහිදු හිමිගේ ආගමනය බෙහෙවින් බලපාන ලදී. ගමයි පන්සලයි වැවයි දාගැබයි යන සංකල්පයත් සමග අවිහිංසාවාදි ප්‍රතිපදාවට සිංහල ජනතාව එකල හුරු වූයේ බුදු දහමේ  ආභාසයත් සමගිනි.